Consellos de barbeado


1.- Convén que se afeite a diario. En caso de que decida non afeitarse por distintos motivos, debería deixar a barba durante un tempo máis ou menos longo: entre 6 e 12 semanas como mínimo. Os descansos de poucos días non son moi axeitados. Descansar 2 a 3 días, por exemplo, e logo barbearse de novo, supón alterar a pel e os folículos precisamente cando empezaban a calmarse da irritación. é mellor retirar o pouco pelo que nace cada día (0,2 a 0, 5 mm) que traumatizar a pel menos veces pero con máis intensidade.

2.-O ideal é barbearse despois da ducha, coa pel aínda húmida e morna, co poro máis dilatado e o pelo máis mol e asequible. De non ser así debe ablandar a barba e dilatar o poro apicando vapor suave ou unha toalla empapada en auga quente ou morna durante 2 a 5 minutos.

3- Escolla preferiblemente rastrillos de barbear de 3 coitelas, recambiando os cabezais cada 5 a 7 afeitados.O afeitado en seco con máquina eléctrica pode ser axeitado nalgunhas persoas pero, en xeral, é preferible con coitela.

4.-Aplique unha espuma ou xel adecuado ó tipo de pel: normal, sensible ou seca. Extenda o producto coa man, con delicadeza, agardando uns segundos a que se integre coa barba.

5.-En caso de que tivera previamente alerxias, fíxese ben na composición (que debe traer todo producto dermocosmético) e rexeite aqueles que teñan sustancias que lle produzan alerxias. Son preferibles os productos con pouco perfume.

6.-Barbéese no sentido do nacemento do pelo, evitando os movementos bruscos e procurando que a pel esté tersa. Afeitarse a contrapelo non é recomendable, agás no repasado ou apurado, e só para persoas que saben que non lles crea problemas. O barbeado a contrapelo favorece que o pelo se encarne na pel e produza inflamacións ou foliculites.

7.-Se ten a pel moi sensible debe realizar unha única pasada. As persoas de barba moi densa poden precisar dous barbeados diario para manter o aspecto que desexan pero, en xeral, é preferible un único barbeado diario.

8.- Despois do barbeado aclare ben a cara con abundante auga (agora máis ben morma ou fría) para estimular a pel, pechar os poros e retraer o pelo.

9.- Pode aplicar unha loción calmante para despois do barbeado pero, é preferible non aplicar nada, e renunciar ós perfumes xa que moitos son fotosensibilizantes e reaccionan co sol (poderían aplicarse os perfumes na roupa: camisa, corbata, solapas, etc).

10.- O máis recomendable despois do barbeado sería aplicar diariamente unha crema protectora solar por toda a cara, especialmente nas persoas que teñen a pel sensible, cuperose, alerxias solares, etc. Son preferibles os productos libres de graxa ou oil-free.